كوباية شاي – شعر عامية
كوباية شاي – شعر عامية
اشرف الشناوي
شاعر عاميه
البرامون
المنصوره
كوباية شاي
والرزق اهو جاي
والمولي كريم
والصبح صباح نادي
وردي…. فتاح ياعليم
على باب الله روحنا وجينا
ووقفنا هناك ياما دعينا
ربك مابردش يوم سائل
ولا بتعب من حل مسائل
هو اللي خلقنا وسوانا
من خيره كتير ياما عطانا
نعصاه يسترنا. ويهدينا
من غير مايلومنا بيدينا
على باب الله روحنا وجينا
زي العصافير نطلع ونطير
ونعدي بحور وبلاد وكفور
ونلف ندور
على ريحة النور
من غيره في يوم هايعدينا
كوباية شاي
والرزق اهو جاي
من غير ازاي ولا مكر هاينفع
ولا حيله
…………………….
