كود – شعر عامية
كود – شعر عامية
محمود عفيفي دومه
كود السعاده أتمسح. وخلصت الباقة
رسترت لخيالي فرمت أنا بالي وبركت للناقة
ومشيت ع اثري. وجيت وكنت بعيد
شديت حزامي عروة ع الباقي م الطاقة
ماسمعتكش الحاكية. ولا شفت للراكية
بس العيون باكية. واللحن ليه نوتة
بقي للكلام حبكة. ووقعت الشبكة
سهرايه مش فيها. وسمعت انا توتة
قدمت كام خطوة. ثابت ودون ربكة
سمعت انا دبكة. والشحن ليه كوتة
برمجت نفسي كتير. وقولت اتعود
اشم عود الورد. وتاني مش احود
شالله يااهل الله. قصبي الاله حلاه
والحرف بيجود
قلبت لستوديو. دورت ف ملفات
لقيت حافظ صورة. جملة وقول بفات
صورتي وانا صغير. وانا يدوب بهوي
وصوره لصحابي. واحنا علي القهوة
كان شعري لسه كنيش. ومفلفلة بشوكة
وواد بعيد عني. ولمحت للتوكة
وف غفله اللهوه. ودخانه الشيشة
غفل الزمن عني. ماسك لكام ريشة
لون سواده ساعات. انا قولت هاتعدي
زودها بقي ايام. ورضيت مامتردي
طالت بقت لسنين. انا قولت انه كمين
رديت وقولت آمين. والله مامعدي
لفيت بعيد ف طريق. يمكن مانتقابل
خطيت خطاوي كتير. وشبورة لمقابل
دوست وعملت عبيط. ام راح عملي دليت
وهنك حساباتي.
كلت لنفسي بغل. مع اني ناباتي
طواحين تدور ف للفكر أرأشت ناباتي
وكان ده اخر حل.
لملمت انا فوني. وقولت اروح كوني
………. وقفلت تاباتي
