ليه مشيتي – شعر عامية
ليه مشيتي – شعر عامية
ممدوح عرابي
ليه مشيتي بدون كلام بدون سلام
كنت اجيلك او تجيلي مكنش يفرق شئ معانا
كنتي دايما تبعتيلي ليه تغيبي أيه جرالك
كنا سوا نعيش هوانا شوفي احنا بقينا فين
كنت بندهلك تملي.. الأيدين حاضنه الايدين
والغرام شاهد علينا من سنه او من سنين
كنت أحكي حبي ليكي دايما تملي
وأخاف تِملي وأخاف تروحي وانتي روحي
كنت أسكت تقولي كمل كل كلمة تقولها ليا هي طوق للنجاة هي اكسير الحياة
هي نبض يحيي قلبي بعد يأس قلبك انت ال احتواه
كنت أقولك الحب عندي مش قواله ولا حرف م اللسان
حبي قلب كله ود وفيه حنان ياما قالوا في الغرام
والغرام ملوش أمان الغرام حب كافر ملهش مله وملهش دين
و احلف لك ٦٠ يمين
كلمة بحبك بيقولوها تكون غواية
تكون هواية احساس وكاذب م البداية
كلمه بحبك في عرف حبي مش تمام
الحب نظرة م العنين ضى من قلب اليقين
طب قليلي فسري لي ليه تغيبي بدون كلام
مين هواكي مين غواكي ازاي نسيتي كنا ايه
كنت أقابلك في النوادي في الشوارع
يشهد علينا البشر ويا الجماد كنا نحكي بالساعات
ايد في ايد متشبكه ماشين بعزه وانتكه
كنا نضحك كنا نلعب كنا نجري كنا نزعل والبعاد ملوش مكان
كانت تحضنا السما ويا النجوم ويا القمر
كنا نملك الفضا كنا نرسم حلمنا علي الحيطان ع الحارات علي ورق الشجر
كان يخضر كان يزيد الك ن جمال
والكل شايف كنا ايه ال يفرح وال يحسد وال قال حب غالي الله عليه
ايه جري لك فهميني الدفه مالت عننا والشراع صار عكسنا
فين كلامك ال كان والدعا وقت الادان
مايروح في يوم حبنا
ليه بعدتي كنتي يومها بصه فين والنهار دا جيه ليه
النهار دا لما شوفتك مشفتكيش
نبض قلبك محستوش
البلوزة لما شوفتك واقفه ثابته اكبر دليل
كات زمان تطلع وتنزل مع نبض قلبك
كنت اضمك كنت اهدهد كل جسمك
كان ينادي بشوق بحبكٓ
لما كنت احضن ايديكي كات خدودك من خجلها
يزيد حمارها كنت افهم عايزه أيه
كات شفايفك بدون ماتنطق
كنت اخدها و احضن الرعشه ال فيها
كنت اضمك احس جسمك كله ينبض لهفه وحنان
كنت احس بشوق لقانا
النهار دا لما شوفتك مشفتكيش
حسيت هواكى كله غش
وتقوليلي ارجع لحبك معتقدش
