متوضى – شعر عاميه
متوضى – شعر عاميه
حسن أبو عرب
انا ياما شلت كتير
وجوه منى ضمير
عزيزه نفسى أوى
حامل هموم الغير
على عرضى دايما اغير
ياقلبى يا مجروح
عاشق منين ماتروح
تفدى الوطن بالروح
مَهُو قلبى كيف الطير
وأرق م النسمات
السِّر اشيلُه فى بير
أنا للحزين بسمات
أنا ع الأذى صابر
وباطَيِّب الخاطر
فى الدنيا وبعافر
مؤمن برب كبير
أنا ماشى بالنيه
وان حاكُوا مِية خيه
أنا قلبى بنِّيَّه
تطرح سعاده وخير
قلبى اللى كله خَضَار
متوضى بالأشعَار
وف طُهرُه كالأبرار
كاره لكل حقير
كاره لكل حقير
