مين ميل الدفه – شعر عامية
مين ميل الدفه – شعر عامية
اشرف الشناوي
شاعر عاميه
البرامون
المنصوره
ايه غير الناس
وميل الدفه
مش كنا يعني زمان
مع بعض ندفا
دي هي هي الناس
ليه عدنا نتشفي
وندوس على الإحساس
في السكه نتكفا
لا قلوب ماليها حنان
ولا ضحكه في اللفه
دبحنا صوت الوجع
وتوهنا في الزفه
ايه غير الناس
وميل الدفه
حتى الميزان انكسر
م الشر عالكفه
حتى الأمام في الصلا
تعلب في توب عفه
ينهش في لحم البشر
وفي ديله كام لفه
حتى البيوت م الغنا
فضيت كما العشه
لا ديك فصيح بيصيح
ولا بيضه نفقشها
ولا فجر جاي بالنور
ولا دنيا بنعشها
ولا صبح عدا السور
ولا سكه نفرشها
ياخلق فين الأمل
مين طفي في القناديل
مين اللي خاد الغنا
من فوق شفايف النيل
خلي السواقي بكت
تسمع ليلاتي عويل
لا الشمس جات بالدفا
ولا بدر بالمواويل
راح الزمان بالصفا
مافضلش حلم جميل
قطر البضاعه مشي
مافضلش غير شخاليل
ودمعتين م الرضا
عالشط في المناديل
……………….
