ناب الهموم – شعر عامية معوض حلمي الفلاح الفصيح
ناب الهموم – شعر عامية
معوض حلمي – الفلاح الفصيح – منشأة بطاش تمي الأمـديد – دقهلية
ياقلـبي فـين نبضـك
ناب الهمـوم عضـــك
سـوط الوجـع غــربه
طــرقع عـلــى خـدك
ياروح مابعــدك روح
صوت الولد مبـحوح
مين اللي قال للمـوج
يملــى المراكـب نوح
ياحـــلم مـين غشــك
خــانك وباع عشـــك
بدرك أســـى وهــوان
قبــل الأوان حشـــك
ياأرضــــــنا الحبــــله
خـــــدنا العـــدا قبـله
همــا ســـــلاحهم نار
واحــنا الســـلاح نبله
ياواصــــــل الســدره
ياستـــــنا العــــــدرا
لبســوا البنات م العار
أكفانهــــم الخضــــره
يامزغـــــطه البــــحه
الشمــس مـين لاحـها
مـوت دفاها وســــاب
رعشـــتها تدبحــــــها
قلـــب العـــزيز ضـله
وصـــــانا ع الغــــله
لكـن عقــولنا البـــور
بتشــكي م العـــــــله
مـين اللـي يوصــــلها
ويزيـد محاصيـــــلها
شكل العجـاف هلــت
فضــــت حواصــــلها
لمتــنا فـين دارهــــا
إتقل مقـــــــــــدارها
لقمتـنا كات غيــــــه
مين اللــي مـــــررها
ياعمـر توهـه وطيـش
ياقطــر مابهدييــــش
كـل الســــكك ضــلمه
ونورنا مابيهــــــديش
ياعمـــــنا الدرويـــش
إسـمع ندا الحرافيش
مـراوينا مــن تحتــك
نشــفت ومابترويــش
