هما دول زرعة ولادك – شعر عامية
هما دول زرعة ولادك – شعر عامية
اشرف الشناوي
شاعر عاميه
البرامون
المنصوره
هما دولا
اللي بايديهم
شالوا مصر
ومن سنين
واللي قالوا
لو يعدي كلب فيها
نبقي فيها ميتين
اللي شالوا الحلم
الاخضر
فوق كتافهم
لما عبروا
وجابوا نصر
الله مبين
هما دولا اللي في قلوبهم
حطوا اسمك
وسط شوقهم والحنين
واللي جابوا الفجر
ليكي…. يبوس ايديكي
واللي طحنوا القمح فيكي
للعجين
هما دول زرعة
ولادك…… الغلابه الفلاحين
اللي زرعوا التوت
في شطك
واللي ناموا جوا حضنك
يحرسوا لو شبر طين
يسقوا ارضك
من عرقهم
تنتشي وتقول امين
ربي سلم ولشبابهم
م الديابه
السعرانين
اللي عاشوا في خيرها
ياما…… وباعوا ارض
وباعوا دين
بس ربك كان حافظها
وغصب عنهم
ادخلوها آمنين
………………….
