ولم الورد م السكه – شعر عامية
ولم الورد م السكه – شعر عامية
اشرف الشناوي
شاعر عاميه
البرامون
المنصوره
وقاعد لسه تحسبها
فقوم سيبها على المولى
ماهو ليك وبيك أولى
وسيبك م الهموم تمن
وعيش الدنيا واتهني
بلاش الحزن
يلعبك ويتسلي
وسيب روحك
تطير في الكون
وكمل دا الغنا ١٠٠ لون
وعافر في الطريق وامشي
وتبت في الأمل ترتاح
دا بكره جي متلفع بفجر ونور
وشايل الف مية ضحكه
عشان البور
وقاعد لسه تحسبها
فسد الجرح بالباقي
اكيد بالحلم هتلاقي
سنين من عمرك الضايع
ولم الورد م السكه
وغربل كل يوم حته
دا أجمل غنوه في الشده تغنيها
وتلقى روحك التايهه تنط السور
فليه تقعد وتحسبها
مادام ربك
بيقسمها
مابين الغوله والعصفور
………………….
