يالا نعيش – شعر عامية
يالا نعيش – شعر عامية
اشرف الشناوي شاعر عاميه البرامون – المنصوره
يالا نعيش في الدنيا بحالها
فرحه نعيش ونعيش احزانها
زي ماتيجي نعيش ونسلم
نضحك نلعب وبنتعلم
حبه نطير ونغني ونرقص
يالا نعيشها و بالا لوان
نرسم طول الليل شخابيط
نعمل بحر وساقيه وغيط،
نرمي وجعنا ونعمل فيها
اللي يمتعنا
نشبك حتى املنا بخيط
مهما تكون ايام بتعدي
تاخد فينا ياناس وتودي
تجري شويه وحبه تهدي
ضحكه تغير لون ملامحنا
تغضب حبه ويوم تصالحنا
ونعمل م الاحزان احلام
يالا نعيش كل الايام
لو حسينا في يوم بتعبنا
نقفل حبه عينينا ننام
نفرش فوق الشوك أمانينا
ونرجع تاني نعيش في سلام
………………..
