ياواقفين عالبر – شعر عامية
ياواقفين عالبر – شعر عامية
اشرف الشناوي
شاعر عاميه
البرامون
المنصوره
ياواقفين عالبر
فين هما المراكبيه
قلبي نزل بحركم
ام حب بلطيه
ياما سكين القلع
والدفه
قلبي برد
من حقه يدفا
قاعد علي بركم
يستنى يوم زفه
ماسك ميزان الامل
وبيعدل الكفه
يلقى الوجع طابب
وزايد على الحفه
ياواقفين عالبر
ماتقوموا وتغنوا
ليه قلبي لما فرح
بتهيصوا وتغموا
سايبين حدادي الوجع
على قلبي يتلموا
سيببوه يطير في الخلا
يمسح هناك دمه
يمكن يشوف ضحكته
وينسى كمان همه
يزرع غيطانه امل
تكبر ويضموا
ياواقفين عالبر
مالكم كدا ساكتين
حمامكوا مل الغنا
من حموة السكاكين
والكلمه لو تنحبس
تبقي الكلاب سلاطين
ويفيد بايه البكا
والفل والياسمين
والأرض مات عرقها
مافضلش الا الطين
وقبر من قسوته
فاكرنا م الشياطين
نزلنا فيه م الوجع
صلبنا في الميادين
نسينا من غلبنا
طب احنا ليه عايشين
………………………
