قولتله فضفض – شعر عامية

أنا روحت لصاحبي ف عشه
كان ماشي إمبارح مكسوف
أنا شوفت ملامح وشه
بيداري ف لونه المخطوف
قلت الصبر ياواد مفتاح
باب للرحمه وللأفراح
بكره بأمر من الفتاح
تدخل جنه ودانيه قطوف
قالي حبال الصبر اتقطعت
قولتله فضفض
قالي الجوع ف حشايا سيوف
قولتله فضفض
قالي الموت حواليا بيطوف
قولتله فضفض
قالي معادش إيدين ياصديق
تنجد واحد زيي غريق
وانا في البير ميت م الخوف

كان ماشي إمبارح مكسوف
……………………………………….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى